伊莉討論區

標題: 2012韓國5日4夜賞紅葉、嚐海鮮、歎美食之旅行程+手信+退稅方法(全卷完超多相) [打印本頁]

作者: dusty01 時間: 2012-11-4 12:13 AM 標題: 2012韓國5日4夜賞紅葉、嚐海鮮、歎美食之旅行程+手信+退稅方法(全卷完超多相)

本帖最後由 dusty01 於 2012-12-10 06:47 PM 編輯

今次我們韓國之旅一行九人，其中三人會早兩日出發，其中有幾個團友係未去過韓國，我本身就在十年前跟團去過一次，今次行程在半年前已搵定資料，其中食的行程最煩，不段去更改，因要遷就各團有的口味，但最後都計劃好曬。

今次我們搵了龍祥旅行社買5日4夜Package，搭韓亞零晨機，住新村高爺酒店，價錢係$3900一個人已連稅，這旅行社係即時就知道有否機位，過幾日就俾曬錢落實。

成員:我兩公婆、師兄、MeiMei、烏蠅同女友Venus 、啊文兩公婆及細佬
Day1 : 香港機場00:35 > 05:00首爾機場 > 新村高爺會館 > 河東館牛骨湯早餐 > 惠化站大學路 > 三層肉.COM午餐 >清溪川 >東大門 > 鷺梁津水產市場晚餐 > 彩雲咖啡廳 > 新村高爺會館

Day2 : 土俗村早餐 > 北村韓屋>三清洞手撕麵午餐 >三清洞附近遊覽 > 首爾站LotteDuty Free>梨大>新村咪咪漁業晚餐>新村>布帳馬車宵夜 > 新村高爺會館

Day3: ISAAC芝士麵包早餐 > 梨花園女子大學 > 梨花園 > 新村站著吃牛小排午餐 > 新村八色五花肉 >弘大3D館 > 弘大 > 樂天超市 > 陳玉華雞鍋店晚餐>東大門 > 新村高爺會館

Day4:
海苔飯捲早餐 > 龍山KTX站 > 井邑火車站 > 轉171巴士 >內藏山 >井邑午餐 > 景褔宮燒肉店晚餐> 明洞 > 布帳馬車宵夜 > 新村高爺會館

Day5 : 南大門韓奶奶手打麵早餐 > 廣藏市場午餐 >
首爾塔下午茶 > 新村 > 機場回程19:45

以下係今年既紅葉開放預測期，但唔知準唔準的，因天氣係會改變，只是俾大家參考下.

韓國秋色迷人，紅、黃、綠的楓葉，浪漫醉人，今年的賞楓期預計10月中旬開始，從北邊的雪嶽山作起點，伸展至各秀麗山川，請見以下列預測楓葉開放期以作參考。更新資料將於9月中旬由韓國天氣預報網站發佈

今次韓國資料用了大半年，亦係我用了最多時間去搜集既一次

資料同COUPON都有成幾十頁架！

廣藏市場COUPON最正

作者: dusty01 時間: 2012-11-4 12:14 AM 標題: 韓國有用網頁

http://big5chinese.visitkorea.or.kr/cht/index.kto <------韓國觀光官網

http://www.visitseoul.net/cb/index.do?_method=main <------韓國旅遊網

http://www.casaville-shinchon.co.kr/ <------新村高爺會館

http://www.korail.com/en/rv/ <------KTX火車預約及時間表

http://map.cn.konest.com/<------首爾地圖

http://map.cn.konest.com/ <------首爾中文地圖

http://www.seoulmetro.co.kr/station/eng/linemap.action?eng=Y <------首爾地鐵網

http://translate.reference.com/ <------韓文翻譯

http://www.sroaming.com/cn/main.asp <------租pocket wifi

http://www.airport.kr/airport/tr ... ;fake=1147932422659 <------仁川機場巴士

http://cn.konest.com/contents/coupon_list.html?cp=4#list <------韓國coupon

作者: megumi1 時間: 2012-11-4 05:08 AM

提示: 作者被禁止或刪除內容自動屏蔽

作者: duke888 時間: 2012-11-4 11:43 AM

真的很用心的在做功課! 很詳盡~
謝謝分享這麼多的韓國旅遊資訊!

作者: dusty01 時間: 2012-11-4 05:38 PM

本帖最後由 dusty01 於 2012-11-4 10:33 PM 編輯

今晚我們十點幾就到達機場喇，其他團友們都好準時到達喎！

然後我們去了J櫃位辦理登機手續，不過架機遲了20分鐘起飛！我早兩日飛既朋友就遲了一個鐘頭，睇黎韓亞都唔係好準時既航空公司

登機在19號閘口

還有成個鐘時間，好彩朋友帶了haagen-dazs 雪糕黎宵夜heehee

每個人有兩杯食，正啊

終於都等到登機喇

機倉都幾新淨，每個坐位都有獨立顯示屏，亦有很多新戲睇

韓國既空姐真有禮貌

呢款係韓國版可樂，不過味道就好淡

飛機餐有兩款選擇

牛肉意大利粉:d粉麻麻地

粥:好似潮州粥，不過d湯幾鮮

沙律

鑵頭桃蛋糕:不過d桃好難食！

食飽後，就把握時間訓覺，因為我們行程緊密

唔經唔覺就降落仁川機場，首先去拿行李先

然後去地下13號閘口，即63櫃檯拿POCKET WIFI，我們一早已網上預訂的，五日大概$42350won

款式係有兩種或以上，不過我呢款只能捱到5個小時，同埋可供三至四人用，我朋友租的那款較好(四方型)，不過我們都有後備電池

租機還有兩樽提神飲品送架

搞好曬所有野，就去搭機鐵到弘大站，因我們怕塞車同價錢平過搭6002大巴一半的，大概四千幾won一個人

車箱既人極少，但過多幾個站就開始多喇

我們係咪好精神呢？因為有午睡嘛

剛好碰到日出，好靚

大概一小時就到達弘大站，然後轉一個站到新村

大多數站都能見到有公眾Locker租用的

我們在7號出口，不過這出口係有梯級的，其實大家可以用4號出口，因有電梯直達路面的，但就要過返馬路去7號出口

順著出口行一分鐘就到達新村高爺酒店，非常方便

酒店大門影落去的方向，即7號出口行過黎的景象

在酒店辦妥手續後，就出發去河東館牛骨湯食早餐

我們搭2號線到乙支路站5號出口，然後行過去大概十分鐘路程

早上七點鐘就開門做生意的

我們分別點了九碗牛肉湯，其中有內臟的係貴多二千won碗的，埋單$10萬2千won

醃泡菜、蘿蔔在韓國食店一定會免費提供俾客人的

醃泡菜、蘿蔔:這店的味道較酸，但口感一流，不過我唔多喜歡酸的！

呢款係牛肉湯飯

呢款係有內臟的牛肉湯:韓式牛骨湯不像港式的濃味，湯頭比較清，飲落會有淡淡既牛味，如果覺得太淡的話，可加點鹽、蔥花調味

食飽後就出發去惠化站大學路遊覽，我們先在2號線到東大門歷史文化公園站(205)轉4號線到惠化站(420)

見到上班一族的人群，所以被推撞係經常發生的！

作者: dusty01 時間: 2012-11-4 05:42 PM

本帖最後由 dusty01 於 2012-11-4 10:33 PM 編輯

不過我老婆想先買野，所以在4號出口出發，這條街亦很多野賣

這間護膚化妝品店在首爾很多分店的，但點解選擇惠化站這間？因為比較靜的分店係較多贈品送的

這款蘆薈GEL非常好用架，這店送既贈品亦係整個行程最多的一間

韓國人搬屋真係好方便，唔洗出動勞力搬行李架！

以下係大學路的路線圖，鳴謝網上朋友提供

大學路係好值得行的一個地方，因很多有特色的店及塗鴉

街邊有特色小食及時令生果賣

這隻貓很俏皮

這隻貓就好得戚！

這隻貓就好傻氣！

行行下見到蔬菜店，賣的菇類都幾平

非常有特色的牆上畫

作者: dusty01 時間: 2012-11-4 05:45 PM

韓國很多人都種柿樹，我都想偷採幾個試試

這個就係駱山公園，我們無入去裡面

這道門係超窄的，如果我唔縮起來的話，實入不到去

好多辣椒乾啊

你知道我很愛你嗎？))))))))))))))))))

美國隊長聯盟，我同老婆都係成員之一黎架heehee

這店係理髮店，門口佈置得好特別

好大好大塊既楓葉

好多屎屎！

這店係食薄餅的店，有成二十幾人在排隊，還要個個都咁年青的，可惜我已有午餐的安排，等有機會試試

上午的行程順利完成

作者: dusty01 時間: 2012-11-4 05:49 PM

megumi1 發表於 2012-11-4 05:08 AM
thank you so much for the website, heading towards Korea soon.

謝謝你的觀看啊

作者: dusty01 時間: 2012-11-4 05:49 PM

duke888 發表於 2012-11-4 11:43 AM
真的很用心的在做功課! 很詳盡~
謝謝分享這麼多的韓國旅遊資訊!

能幫助到大家就好了，謝謝你觀看見

作者: dusty01 時間: 2012-11-6 04:55 PM 標題: RE: 2012韓國5日4夜賞紅葉、嚐海鮮、歎美食之旅更新day1(PART2超多相)

行了一個上午大家都肚餓了，我們午餐選擇去三層肉.COM

位置在惠化站四號出口，然後轉左向購物大街方向行，見到左邊第一個路口就轉入去，很容易就見到

我們十二點幾去到，點知舖頭竟未開門做生意，裡面一個人都無，咁只能等一陣啦，點知對面有個男人行過黎叫我們等一陣，他行開就打了個電話

然後就貼上這張紙，咁我們都安心些，起碼有個時間嘛，不過啊珠媽都好準時到達，我估可能住在附近

呢日午餐我們包了整個場黎食，感覺好好笑，因我耐不耐就會預到這情況，不過不得不佩服這個啊珠姐，因為剛開店得她一個人照顧我們，又要預備配菜及食物，但速度都幾快，可能知道我們已很餓！我們亦要鳴謝啊珠媽既體貼服務，一個人做咁多野亦面帶笑容，非常專業

以上係中文餐牌，選擇亦唔多，不過我們都係一心黎試下個豬肉

我們點了五花腩、三花腩、千花腩各兩份、蘑菇大全、另外還點了白飯X2、炒飯X1、泡菜麵X6，埋單$11萬won

泡菜:這店的味道就較辣，但就唔酸的

醃蘿蔔:切得很薄片，味道同潮式差唔多，唔錯

類似苟蒻的食物，口感同豆腐一樣

洋蔥及蒜頭

左邊我無試過，右邊就係鹽

豉油芥末、辣椒醬

蔬菜

以上係伴豬肉既配料

蘑菇大全:直菇賣相很像雞脾菇，但口感就爽得多，韓國金菇味道亦較濃的

千花腩:賣相好靚很雪花哈哈哈

啊珠媽用心地整理豬肉

五花腩、三花腩、豬肉

韓國食燒肉有樣好，永遠都有人服待，幫你整好曬，熟透時又會提醒你，不過好壞參半，我唔喜歡一次過放曬上去煎，因食唔切的話，d肉就容易過火而影響肉汁

終於等到豬肉變曬金黃色喇，各位我唔客氣喇

入鄉隨俗我當然要跟當地人既食法啦，總之乜都加些，特別要用菜包住黎食，這樣就無咁肥膩既感覺，豬肉係韓國人喜愛既烤肉之一，肉質亦較香港既好，豬既味道很香，口感有彈性，一點都唔粗糙架，但好奇特d肉一些紅酒味都無的！

泡菜麵:天氣凍凍地，個個都諗住叫個熱辣辣既湯麵黎食，點知黎既係冷麵，當堂果六個人都O曬咀，好唔好食只有他們知喇！嘻嘻

白飯:但唔知點解我今餐竟然點了白飯，因平時我都喜歡食麵的，可能我認為肉類配白飯係較夾的，加上韓國米係唔差的，飯粒很軟熟啊，正

炒飯:原來炒飯才是最有睇頭的，賣相及配料都很好，亦炒得夠勻稱，但碟飯比想象中大碟很多，還要用鐵板上，我們以為得一碗仔姐、一個女子點會食得曬！

所以每位分一些黎試，味道很唔錯，很像石窩飯

我們大戰過後

單據

食飽後，我們就出發去4號線421站東大門站8號出口

行了一陣綜合市場，附近藥房賣既肌肉鎮痛貼係最平的

之後慢遊清溪川某小段

沿路都見有本地人在跑步，如果要來回跑曬整條路，時間應該要幾耐下

如果夏天黎一定會感受到涼意，還可浸下腳玩玩

本地人亦喜歡坐在這溪邊聊天，我們沿路都見唔少，加上環境很清幽

之後行經一間店舖，竟見到占基利，好搞笑，到底係咪賣面具架？

然後班女人又要在商場裡面血拼了

而我就同師兄在商場出面坐著，飲下香蕉奶打發時間！

她們血拼到五點半才出黎，比原定集合時間遲了成大半個鐘，之後就急急腳在東大門歷史文化公園站搭4號線到首爾站(426)，然後轉1號線到鷺梁津(136)站1號出口

1號出口過天橋

行到這裡就行落就到

由上層影落去就見到很多海鮮檔，前排主要賣活海鮮，後面就賣冰鮮既多，同埋後排既店會較早關門，我們六點幾到，後面有唔少都已關門了

不過前排海鮮店賣既海鮮品種都差唔多的

大家行這條海鮮路時要特別小心，因會有人突然走埋黎好似好心地幫你咁，其實他們係食店的人，想你買完海鮮就去幫襯他們的店，亦有些店不老實的，所以見到識講普通話的職員更加唔好放松下來，因價錢可能會相差一段距離，事前最好做定功課，免得遇上不快事情

我們睇了幾間海鮮檔，發覺這間世亞海鮮賣既種類較多，價錢亦公道，同埋啊珠媽係識講普通話的，其實黎之前我心目中已定了某些海鮮，分別係啜咀八爪魚、勁拆長腳蟹、極鮮活鮑魚刺身、拼命河豚鍋、海膽刺身、花枝刺身、海腸刺身、海菠蘿刺身、毛蟹、榮螺等等

啊珠媽話，靚仔你企定定聽我講，我既海鮮包你話正，唔靚就退貨喎！講到咁認真就格下價先，以下係我所知的價錢，季節性不同價錢亦有不同的

皇帝蟹:有分大中小價錢，係睇重量而定，1KG至1.5KG重量大概$2萬won1KG
2KG至3KG大概$2萬5won1KG
3KG以上就係$3萬5千won1KG(我們買了隻5.5重的，價錢係$15萬5千won)
松葉蟹:大概1.3KG要$4萬won(我們買了兩隻)
鮑魚:6隻$3萬won
細活章魚:10隻2萬won
比目魚

7萬won一條
總價錢係$35萬5千won(還送了些海菠蘿同海腸俾我們)

因我們成十個人，啊珠媽就應我既要求，揀了幾隻長腳蟹比較，我感覺她幾老實，點解咁講？因我睇住她會用手去捏下d蟹腳，睇下隻蟹肥唔肥、夠唔夠肉，因蟹由捕獲起到賣會慢慢變瘦，所以大隻就不代表好肉的，當然我亦會親自去捏下，最後啊珠媽話這隻包你話正！

到底5.5KG有幾大？你們看看就知道

呢幅由老婆捉住黎影會更表達得到，不過真係幾重架，我幾怕隻蟹會被我們玩到斷腳！

松葉蟹

隻蟹都好生猛

比目魚係韓國人最愛之一，不過我就很一般，因為係養殖既，加上價錢不平宜，本想揀鯛魚的，但更貴！

即場睇住職員處理條魚，以免被掉包，師父唔洗幾分鐘就處好條魚，果然好刀法

之後我就問啊珠媽可否帶我去買魚？她竟然一口答應，因為我今次黎魚市場還有其牠海鮮想品嘗到的，所以我話要買鮟鱇魚，但啊珠媽竟然話唔知係乜？好彩我頭先行個圈已發現有得賣，所以就帶她行過去

啊珠媽問係咪魔鬼魚，我話NO NO NO

再過幾間就見到有鮟鱇魚賣喇，然後啊珠媽就用流利既本地話同魚販溝通，之後價錢都講好了，但我當然唔係普通買家啦，大家有否留意到相中既魚有乜問題？就係我發現到這問題，啊珠媽就贊美我好厲害！還問我是否炒黎食？我話火鍋才是最好，她又贊我你真識食！嘻嘻

之後啊珠媽再帶我去另一檔，今次她可能知道我要乜野魚，所以一去到就同另一個啊珠媽鬼咁好傾

今次呢些我就滿意喇，第一:d魚唔係全部都割開的，第二:就算割開了，都見到有最珍貴的鮟鱇魚肝，因這魚肝係好美味的，今次我自已落手去揀，選擇了相中左下角那條未開肚的，還要魚身係保留很多滑潺潺的黏液才是新鮮，最後珠媽真係好搞笑，她竟然開另一個箱，原來裡面還有三條較大的鮟鱇魚在裡面，她二話不說就把其中一條魚肝割了下來送給我，估唔到啊珠媽係咁豪氣的，其實這條魚一點都唔貴架！但都能體驗到她們好客之道，可能見到我咁識揀魚而欣賞我啦heehee，點解我要在韓國食鮟鱇魚？因為價錢平過日本很多很多，我買的這條才$2萬won咋，我無聽錯啊？真係咁平咁抵食的，希望d人見到我的報告後，而唔會令到鮟鱇魚升價就好了！

但可惜河豚係無貨，搵唔到！

啊珠媽咁好人，當然要黎個合照啦，同埋記得同她講聲(gamsahabnida)heehee

之後啊珠媽帶了我們去相熟的食店，其實我之前係定了去2樓金鶴餐廳的，但見啊珠媽咁好人，就唔好意思推掉啦

食堂環境係坐住黎食，我就唔多喜歡，因會坐得較辛苦，之後我們把食材怎樣煮理講給職員知，鮑魚刺身、比目魚刺身、活章魚刺身、海腸刺身、海菠蘿刺身、鮟鱇魚鍋、比目魚骨鍋、清蒸長腳蟹、清蒸松葉蟹等等，連酒水共$10萬4千won

醬料費(人頭)：一人大概$2,000–3,000won之間，蒸，烤魚料理費大概$5,000won、生魚片免費、煮湯$10,000won

長壽米酒:朋友們話麻麻地，我本身就唔飲酒的

活章魚刺身:章魚一定較細隻會好味些，肉質亦不會韌，但吸力一定無大隻些既好，但太勁又會嚇怕d女性喎！

鮑魚刺身:鮑魚很鮮味，咬落係脆架，不過面頭部份亦有點韌，同埋提提大家，要把鮑魚肉醬搞碎，然後同豉油、芥末撈埋一齊，然後點黎食，你就知有乜分別的，呢個係秘級

比目魚刺身:可能我一早對這魚無期望，所以食落亦無乜味道，肉質較結實，試過就算

海腸刺身、海菠蘿刺身:這碟係送的，不過海腸好韌啊，又無乜味道！

海菠蘿刺身:其實海菠蘿真係無乜人會識得欣賞，包括我在內，一咬落就有種苦既味道滲出黎，不過咬咬下就到嚐到甘既味道，很特別

清蒸松葉蟹:隻蟹睇落唔錯

d膏汁很深色，本來想拿去煮粥的，點知職員話煮不來！我即時黑面......，只好就咁飲啦，真係好正

蟹肉好鮮甜，活的就是不一樣hahahaaaa

跟住就係到重量級出埋

咁樣睇唔係好大姐！

但睇下個蟹鉗就知好鬼大架！

再睇多次，好誇張啊

我估一隻蟹腳有我手臂咁長架，d肉勁厚鮮甜，呢趟真係不枉止行

之後把蟹身拆肉再撈落蟹汁一齊食，感覺自已呢刻很幸福啊

比目魚骨鍋:雖然都唔錯，但同鮟鱇魚鍋比，自然受冷落啦

鮟鱇魚鍋:主角之一出場喇，真係好大鍋啊，不過還未滾起，咁我就述解下鮟鱇魚既好處，這種魚係生活在好深海既地段，所以一定係野生的，特別係日本人，他們最愛係鮟鱇魚肝，基本上整條魚含豐富既骨膠原，女性食就更好，而且魚肉切到大大舊，食起來啖啖肉無乜骨，特別過癮，整個鍋有咁大條魚去熬製，魚湯點會唔鮮呢？

呢個位置特別正，咬落有彈性，魚味又夠濃

鮟鱇魚肚俾我快手夾了，比一般魚肚肥大很多，睇下幾厚肉，但咬落完全唔韌的，好味

鮟鱇魚肝:味道好濃好濃，我唔知點形容了

呢餐海鮮宴真係超平，每人只是夾了$300港幣，就可食得咁豐富，非常滿足

食飽後就要趕去睇月光彩虹噴水，真係好趕下！

由魚市場去9號線去鋼雀站(920)2號出口(彩霞)，出口左邊有條樓梯，行上去就到

可惜去到都唔見有得睇，雖然遲到十分鐘，但明明上網見到彩雲咖啡廳從4月1日起至10月31日止，可看到盤浦大橋所舉辦的‘月光彩虹水舞秀，之後影幾張相就回酒店，因各團友都好累了

回到酒店樓下，見到隔離超市還有開門，所以就入去買生果及飲料回酒店

咖啡:味道一般

魚餅:朋友話麻麻地，我就無試

鯛魚紅豆餅雪糕:雖然紅豆都幾香，但都幾甜下，好彩紅豆餡唔算太多

車厘茄最好味、黑提子有點酸及籽太多、柑:無試

第一日行程終於完結，各位晚安

作者: dusty01 時間: 2012-11-7 10:34 AM

ttyy2200 發表於 2012-11-6 08:41 PM
超漂亮的阿~~真的好想去喔~~!!

那就找個機會去一趟，不錯的

作者: nicoleber 時間: 2012-11-8 04:26 PM

看完你的相片令我想起今年年頭去韓國之旅, 我去了8天! 你去鷺梁津那間食店也是我們去的那間, 我們人數比較多, 十七人所以有房坐!! 奇怪的是我也有去惠化, 但找不到大學路那些景和駱山公園的屎屎, 在景福宮那邊打的去駱山公園, 司機車了我們上山(那個景是很多韓劇也會在那還拍的), 沿路下山就是惠化呢!!下次再去一定要再找找大學路

作者: dusty01 時間: 2012-11-8 07:32 PM

本帖最後由 dusty01 於 2012-11-8 07:32 PM 編輯

nicoleber 發表於 2012-11-8 04:26 PM
看完你的相片令我想起今年年頭去韓國之旅, 我去了8天! 你去鷺梁津那間食店也是我們去的那間, 我們人數比較 ...

我好像看過你們的遊記啊，你是否17人裡面也有其他國籍的朋友相約一齊去的？

作者: dusty01 時間: 2012-11-8 07:32 PM 標題: 2012韓國5日4夜賞紅葉、嚐海鮮、歎美食之旅-day2((PART1)

今日我們九點半才在酒店大堂集合，因為昨日大家都行到好累，在這裡要多謝你們，因為平時捱唔到夜的團友們，都可以完成咁艱辛既魔鬼行程，所以我都要俾返多些小時間你們休息既，但其實韓國時間九點半即係香港時間八點半，時差係有一小時的！

各團友都非常準時，咁就出發去土俗村食早餐，我們搭2號線(240)到乙支路3街(203)轉3號線到景福宮站(327)落車

大家搭車時，有否做過以上違例既事呢？不過宣傳廣告都幾搞笑！

韓國地鐵站下面，行人通道有些都幾窄的，特別要留意上落車時間，因開關門時間唔會好耐，話關就關，車長唔會理會d人上曬車未！師兄就試過行入車箱時被夾到，雖然唔會話好痛，但都會被嚇親囉！

景福宮站都幾特別，環境很幽暗，好似身處博物館一樣，我們在2號出口

2號出口一直行落去，不過出口附近有個世宗村美食街

我們無行落去，只是影張街照就算，然後繼續向前行

馬路兩旁都有銀杏樹，點解香港唔種下呢？

沿住馬路邊向前行，直至見到GS25便利店就轉左就到，由地鐵出口行到第二個街口就應該到達，很容易就搵到

這間就係大名鼎鼎的土俗村，點解咁多間賣人參雞既食店中，偏偏土俗村會人氣特別高呢？原來係因為有某韓國前任總統鐘情於這店既人參雞，加上本身亦有一定既歷史，這店早上十點才開門營業，我們黎到時就見唔到很多遊客

我見土俗村既燒雞網上都有朋友贊過好味，到底係咪架？

由職員帶我們入內

知道你們係食人參雞喇，但係咪都用咁大條既參黎煮先？

入到店裡面，地方分了很多間房，有大有細的

我們坐低後，職員快快手地送上人參酒，每人一杯，但唔知係咪無限添飲的

我們這間房唔算好大，但就好適合我們邊食邊嘻嘻哈哈，又唔怕嘈到別人

我隔離還有一檯似係日本妹既遊客，她們三人行，其中一個應該係啊媽，房外另一邊係大房，裡面通常安排人數較少的坐埋一齊

唔可以掛住影女仔，都要同老婆黎個恩愛合照先

以上係餐牌，不過唔洗怕了呢些韓文，因為有中文餐牌架，不過我唔記得影，我們要點既只是人參雞，每兩人一窩，即係X5、燒雞X1，埋單$15萬4千WON

人參酒:我自已就無試到，有些人會倒落雞窩裡面食，但我喜歡原汁原味喇

泡菜:這店既味道好濃，但亦比較辣，我喜歡這味道，因唔酸的

醃蘿蔔:口感非常好，咬落很爽脆架

我們點既係烏雞山參窩，價錢亦係最貴的($2萬7千WON)，其實烏雞比普通雞貴些小，但雞的肉質會嫩滑很多

這小樽就係山參，包裝到好似很名貴咁

把山參倒入雞湯裡面

然後撈一撈，再浸一陣先飲湯

糯米藏在烏雞裡面，吸收雞既精華，口感軟糯，唔會很黐牙

飯裡面一定會藏一根小人參的，食得唔好浪費啊

湯頭味道比較清，有些人會落少許鹽，但我覺得夠味，非常好飲

燒雞:始終唔係這店強項，雞既肉質比較粗糙，所以失望係正常的

燒雞附送既小食及沙律醬

食飽後就出去結帳

在門口見到兩個日本女子在拍照，我們又在拍照，團友先去找她們合照，我就都唔錯失這機會啦，其實日本人出外旅遊都很熱情架，如果你大膽主動些去問，她們亦會很高興，睇下我們既笑容就知啦，旅遊本應就是這樣嘛

作者: dusty01 時間: 2012-11-8 07:48 PM 標題: 2012韓國5日4夜賞紅葉、嚐海鮮、歎美食之旅-day2((PART1)

之後我們行返地鐵站方向，經4號出口那方向行

我們邊行邊影相，不過行去安國站其實都幾遠，大概要半小時，不過我們剛食飽，所以想行下

咁早就有交警指揮路面？

行一陣就會經過光化門廣場，望過去就係世宗雕像

而另一邊就係光化門，景福宮就在裡面，不過這不是入口

我們一直向前行，一條大直路

然後就會見到個隧道，一定要經隧道過對面的

行經鐘路文化院外牆，都幾特別

近青瓦台一帶見到很多警察，起碼幾十人，這只是一小部份，團友偷偷影的

過了這碼路，很快就到安國站了

當大家行經這裡時，見到好多明星照喎，睇真些係幫某餐廳賣廣告，應該都唔平的！

在高級餐廳隔離有間麵包店，但我感覺上都幾高級下！但班團友在門口圍觀，原來在討論左邊圖中既物體，見大家咁想試，又行了咁大段路，所以一於拉大隊入去品嘗下

麵包店裡面都幾大下，感覺上很安靜，但經我們成班人入內，可能會破壞小許氣氛heehee

因為各團友都被些好美觀既食物吸引著，但呢些唔係我既獵物

主角係這些馬卡龍(Macaron)才真，但到底貴唔貴架？我有些擔心！

咁多款式點揀好呢？所以每個人可以選擇一款，然後再商議選多三款，我們點了一打，價錢係$2萬2千WON)

這裡分別有朱古力味、黑加倫子味、玫瑰味、開心果味、咖啡味、雜莓味、柿味、曲奇味、香蕉朱古力等等

老婆點的黑加倫子味，咬落d餡比較黏，但味道超級濃啊

我就一定揀朱古力，實在太美味喇，同這店相遇都係緣份之一，好開心啊，不過雜莓味很普通！

麵包店出面都有些賣小食既檔口

這間星巴克大家有無發現有乜唔同呢？一陣再開古

作者: dusty01 時間: 2012-11-8 07:51 PM 標題: 2012韓國5日4夜賞紅葉、嚐海鮮、歎美食之旅更新day2(PART1超多相)

唔知係咩樹？但好多果實

終於都行到我們既目的地喇，我們正正就在安國站2號出口對面，1號出口那條路就係去三清洞，然2號出口這條路就係去北村韓屋的，其實大家唔需要怕會迷路，我會簡單講解一下個路程，我們首要就係要行去地圖上十字路口那個(！)符號既地方，那個會有北村韓屋既中、英、日地圖拿，還有職員在裡面解答遊客問題的

這圖就係2號出口對面，我們一直行上去

途經大肥雞飲勝

裁判所

這個就係十字路口的圖片，如果一路直係就到韓屋八景，左邊係4至8景、右邊係1至3

其中1號韓屋就在(！)符號觀光所右邊馬路北村路4街行入去就係

我們在觀光所拿了中文地圖，今次重點行5至8景，亦係較靚同順路，其實睇既野都差唔多，無必要行曬全程，除非你時間多啦！

我們先由大馬路向上行去3號景點

沿路都有很多特色的韓屋

這裡係偷偷地入去影的，地點係3號景點附近

我們在大馬路上黎的，現在行回原路

經過這個有特色的餐廳，出面種了些蔬菜

然後行過對面藥店(DONMI)轉入去，然後行5至8景

又係柿樹，係咪引人犯罪啊，生到出黎！

不過大家記得肅靜一些，始終係人地屋企！

作者: dusty01 時間: 2012-11-8 07:56 PM 標題: 2012韓國5日4夜賞紅葉、嚐海鮮、歎美食之旅更新day2(PART1超多相)

本帖最後由 dusty01 於 2012-11-8 09:06 PM 編輯

呢條係十一街，亦係較多遊客的

以上就係5-7景既相，大家感受下就夠

然後行到北村5街路，這裡風景好靚，特別有紅葉既襯托，加上景觀開揚，如果有層樓在這裡就好了！嘻嘻

景觀係咪好吸引呢？

這裡都有個觀光地圖路牌

呢個男人拖住隻巨狗，我諗隻狗企起身實高過個人

影完相就繼續向8景前進

其實行一陣就到達8景，這條就係石階路行返落去就到三清洞的

石級中間見到這間屋好特別，門前掛滿d柿

北村8景由上行到石級下面就係這樣行完了

之後一出大馬路就見到對面有很多人在排隊，到底在排什麼呢？有咩咁吸引呢班人呢？請留意PART2

現在同大家開古，原來這間星巴克係全球其中一間唔係用英文名命名的

作者: zacs 時間: 2012-11-9 12:13 AM

提示: 作者被禁止或刪除內容自動屏蔽

作者: zacs 時間: 2012-11-9 12:14 AM

提示: 作者被禁止或刪除內容自動屏蔽

作者: nicoleber 時間: 2012-11-9 12:54 AM

dusty01 發表於 2012-11-8 07:32 PM
我好像看過你們的遊記啊，你是否17人裡面也有其他國籍的朋友相約一齊去的？ ...

沒有呢!! 全部都是香港人,滑雪團+首爾遊

作者: nicoleber 時間: 2012-11-9 12:54 AM

dusty01 發表於 2012-11-8 07:32 PM
我好像看過你們的遊記啊，你是否17人裡面也有其他國籍的朋友相約一齊去的？ ...

沒有呢!! 全部都是香港人,滑雪團+首爾遊

作者: dusty01 時間: 2012-11-9 11:52 AM

zacs 發表於 2012-11-9 12:13 AM
謝謝分享這麼多實用的韓國旅遊資訊!

謝謝你的觀看啊

作者: dusty01 時間: 2012-11-9 11:53 AM

nicoleber 發表於 2012-11-9 12:54 AM
沒有呢!! 全部都是香港人,滑雪團+首爾遊

原來這樣，咁都很開心啦！

作者: samuel2323 時間: 2012-11-9 08:48 PM

真是太用心、太詳盡了
受益無窮啊

作者: dusty01 時間: 2012-11-10 12:11 AM

samuel2323 發表於 2012-11-9 08:48 PM
真是太用心、太詳盡了
受益無窮啊

幫到大家就好了

作者: fionagirl 時間: 2012-11-10 06:11 AM

提示: 作者被禁止或刪除內容自動屏蔽

作者: dusty01 時間: 2012-11-10 08:46 PM

fionagirl 發表於 2012-11-10 06:11 AM
寫得很詳細~~~thanks for sharing~~~~!

謝謝你的觀看啊

作者: dusty01 時間: 2012-11-10 08:47 PM 標題: RE: 2012韓國5日4夜賞紅葉、嚐海鮮、歎美食之旅更新day2(PART2超多相)

本帖最後由 dusty01 於 2012-11-10 09:54 PM 編輯

原來這老店就係我們午餐既地方，點解會吸引到咁多人幫襯？原來這店係三清洞名物，主要食韓國傳統食物之一，就係疙瘩湯(手撕麵塊)！

老店地點非常容易找到，就在三清洞主馬路旁，亦近北村8景的

大概等了十五分鐘就有位，店裡地方唔算好大，我們亦被迫分開兩張檯坐

廚房職員唔太多

鳴謝台灣網友提供以上咁精美的中文餐牌

我們點了疙瘩湯3人份量及4人份量各一、蔥煎餅X2，埋單$7萬3千won

泡菜:口感又爽又醃得入味，我食到唔停得口，可能太肚餓啦

莧菜:我覺得似，但可能有錯

辣椒豉油

疙瘩湯:每個人都係為了這窩麵塊而黎，這個係三人份量的，但其實都幾大窩

我們四個人起碼每人最少分到兩碗

這疙瘩湯到底吸引之處在邊呢？賣相又不凸出，但當你先嚐一口湯頭，你一定會(嘩)一聲，然後滿腦海都充滿一個(鮮)字，海鮮既甜味很濃，雖然湯頭沒有名貴的食材，全都是下價貨(蜆肉、銀蝦仔、紫菜碎、洋蔥、蔬菜等等，簡簡單單都未必差得過上等菜，但往往這才能嚐到傳統既味道及風情，現在既食店都不停去改量、創新，亦把很多過去的味道都遺忘了，之後再咬一口麵塊，我很喜歡這口感，因為麵塊係用人手去搓粉，然後再用手撕出黎，麵塊撕得夠薄，入口有點QQ，但超級軟滑啊，不過最神奇既係食了兩碗疙瘩湯，麵塊係唔多頂肚架，感謝能和你的相遇！

蔥煎餅:都幾大塊喎，這餅亦係韓國傳統美食之一，表面睇落平平無奇

但其實材料都藏在裡面，味道非常豐富，蔥味十足，正啊

食飽後又繼續逛三清洞一帶

這雪糕店外形好似整到世博既館一樣

其實三清洞亦有很多咖啡店，如果有時間飲下午茶就唔錯

好大個既倒後鏡

韓國很多店都很有特色，可能地方大，才能有創作空間

我們行到中段，見到有個小巷轉入去，店裡面賣既鞋、絲巾全部都係1萬won架！

店門口的擺設

小巷對面係這咖啡店

附近都有很多賣衫同鞋的店舖

心形既樹葉，好靚

我們遊覽完三清洞，就去返安國站(328)搭地鐵到乙支路站，然後6號出口去Lotte Duty Free血拼

Lotte Duty Free 9樓真係人頭湧湧，女人們好快地去了掃貨，而我們幾個男人就企定定等待，但隔一陣發覺唔係辦法，所以決定我們去12樓既咖啡店等待

呢張係1萬won優惠卡，遊客只需買1美金或以上，就可憑單據同COUPON到11樓服務檯換取，另外用白金VISA信用卡大部份都有85折(手續費)收，銀聯信用卡係9-95折(免手續費)，所以在街店用銀聯信用卡就較好，同埋記得帶護照在身

男人們就去這咖啡店飲下午茶

這店下午茶價錢唔太貴

我們點了三杯飲品同一個雪糕格仔餅，呢餐要鳴謝師兄請客

以上係飲品，咖啡都唔錯

連糖既包裝都好精致

呢個係電子振動接收器，我們點了食物未即時處理好，職員就會交這個電子器俾我們，如果可提取食物就會發射出信號，這接收器就會不停振動，都幾特別

雪糕格仔餅:賣相都幾靚，無記錯係賣1萬WON

綠茶味雪糕很濃味，但又不會很甜，夾仔餅還是熱辣辣的，咬落很鬆軟，唔錯

她們大概血拼了兩個幾鐘才回來，我們就先回酒店放低戰利品

新村地鐵站裡面有個好得意既公仔擺設，到底係什麼呢？

在韓國經常會見到既美女廣告，係咪好靚呢？好戲在後面

團友在地鐵站買的，因為女子們肚餓，魚餅既紅豆餡都OK

酒店放低野後，我們又出發去梨大購物

新村5號出口一直行去梨大不算很遠，大概15-20分鐘路程，當然搭地鐵最快啦

沿路見到有些賣魷魚既小店，味道好香

轉眼間就到梨大，梨大有乜出名？當然係女子大學啦，所以這區後生女都特別多架

老婆最喜歡買公仔襪，大概1千到2千WON一對

今晚既月光都特別靚

這店在做大特價，不過老婆無用這牌子的

梨大都幾多野賣，幾條路都有很多小檔口

啊珠媽話:靚仔我整既腸好唔好食啊？

我就對雞肉串興趣較多，不過呢個檔口都幾搞笑

其實老婆已很肚餓了，一串賣2千WON，但我覺得好抵食，如果係背包或一個人當晚餐係絕對可以的，點解咁講？

大家有否睇到雞肉串旁有很多白色的年糕？原來這些年糕係免費任食架，初初我都唔知，見隔離果兩個學生妹同老闆有講有笑，但竟用支竹簽不停地拮D年糕黎食，我就問老婆，係咪他們熟才可食架？定要另外付錢架？後來那兩個人走了，老闆就開始招呼我們，其實支竹簽係較長的，我食了幾舊肉，老闆就叫我把竹簽指向他，然後老闆就幫我剪去多餘部份，我覺得很細心啊，又唔怕被竹簽整親，然後老闆又無啦啦把年糕推向我面前，我咪唔客氣拮黎食，年糕口感很軟糯，加上醬汁濃而不咸，2千WON絕對食得飽

大家都有唔少收獲，但時間唔多夠，只行了一個多小時，但我們第二日會再黎

團友們每個眼神都很一致地望向布帳馬車，頭先購物又唔見你們話餓？我們在梨大(241)搭返地鐵到新村(240)站，2號出口

作者: dusty01 時間: 2012-11-10 08:48 PM 標題: RE: 2012韓國5日4夜賞紅葉、嚐海鮮、歎美食之旅更新day2(PART2超多相)

本帖最後由 dusty01 於 2012-11-10 09:53 PM 編輯

2號出口一直向前行，到第三個路口轉左就到咪咪漁業

呢間咪咪漁業係朋友介紹去的，話都有海鮮食，唔洗去鷺梁津咁遠喎！

裡面既環境都幾寬闊，我初時見到，心諗又要跪住食啊？好彩檯底有個大窿架，還藏有意想不到既野在裡面

不過這店係無人識講普通話的，啊珠媽過隔離店搵個啊妹幫手，經過一輪溝通才問到價

長腳蟹一隻要7萬WON，大概2kg重

D蟹睇落又真細隻好多，不過都要落手揀一隻

活花枝刺身1萬8千WON一隻

我們主要點了活花枝刺x1、清蒸長腳蟹x1、海鮮魚鍋x1、炒雜菜x2，埋單$16萬8千WON，但不建議來幫襯

以上小食係送的，我們無點過

燒秋刀魚x2:這個我們亦無點過，但味道還可以

活花枝刺:送到上黎還勁新鮮，顏色還在變動，但唔知是否太大條？有點韌！

炒雜菜:不過不失

海鮮魚鍋:主要材料係海鱸魚，都幾大鍋的

湯頭都幾甜，魚肉有彈性，完全無腥味的

清蒸長腳蟹:啊豬媽都幾細心，幫我們拆開斬件

蟹膏非常之多

膏帶肉一膏食，好美味啊

蟹肉都很甜

韓國食店通常都有呢舊野，係用黎CALL啊珠媽用的，所以有團友經常唔小心碰到

原來檯底放了些竹筒，踩住黎食很舒服架

單據

最搞笑係每人都送一塊啤酒面膜，莫非啤酒有份贊助既？

之後在新材一帶行街，行到咁上下就去食宵夜

我們住既酒店樓下好多野食的，他們食得最多就係這檔，賣既係熱狗，他們話好正

之後拉大隊去布帳馬車食宵夜，初時我們在出面望黎望去，睇下有乜好野食？點知裡面有個女食客揚手叫我們入去，所以我們就決定一試啦

布帳主要食物

泡菜、醃蘿蔔

啊豬媽每人送一碗湯頭，雖然只是用魚片黎熬製，但出面天寒地凍，飲一啖即刻全身暖曬，感覺得別好飲

黎個大合照先

之後點了烤豬肉、烤雞腎、烏冬x5，埋單$4萬WON

烤豬肉:我們點了兩份，相中係其中一份，烤得很香口，唔錯

烤雞腎:肉質一點都唔韌架，味道亦很好，我覺得好食

途中亦有遊客入黎幫襯，這兩位點的比我們多，估唔到咁食得，可能呢餐係晚飯hahaaaaa

烏冬:呢個烏冬雖然唔及稻庭烏冬幼滑，但亦唔差得很多，起碼咬落係很滑喉的，我就係為了這烏冬，之後會再黎幫襯多次

韓國出品既維他命水，味道亦有幾款選擇，我們在梨大屈臣氏店見到買一送一，價錢1千8百WON

新村站裡面見到的可愛公仔，其實係櫈黎架heehee

之前見到的靚女廣告相，其實係d美容公司廣告，整容前整容後真的不一樣！

作者: dusty01 時間: 2012-11-14 02:16 PM 標題: RE: 2012韓國5日4夜賞紅葉、嚐海鮮、歎美食之旅更新day3(PART1超多相)

本帖最後由 dusty01 於 2012-11-14 07:52 PM 編輯

今早我們一樣九點半在酒店大堂集合，然後去ISAAC食個早餐先

新村ISAAC非常容易找到，就係地鐵6號出口直行，大概過兩個路口就到，很近GS25便利店，而梨大方向亦係這條路直行，另外八色烤肉店亦在斜對面

新村ISAAC大概前面白色建築物附近

6號出口行到這店，大概七分鐘就到

以上係餐牌，餐牌睇落好似很多選擇，其實主菜有辣雞肉、韓式烤肉、肋骨牛肉、漢堡肉、蝦子，然後通常會選擇(MVP)豪華版，豪華版即係咩配料都有，例如蛋、芝士、蔬菜等等，不過所有內類都係漢堡肉那樣的，價錢大概2千4至2千8WON，睇你選擇什麼肉類

店裡得一個職員，要一次過整九份都難唔到她，非常熟練

主要肉類都係漢堡扒那樣的

這個就係完成品

不同款式既味道都差唔多，其實唔算話好特別，都係簡單加塊卡夫芝士、醬汁、蔬菜、蛋等等，但價錢係幾平既

食飽後，我們就向梨大方向進發

韓國街頭經常會見到呢類手推車，到底賣乜架？

很快地又到達梨大

這條街一直行上去就會到達女子大學，亦係今早既景點之一

雖然很多店都未開門做生意，但唔代表無吸引力！

原來韓國女仔連屁股都要裝假野架！我都係第一次見！係咪代表韓國女子屁股係無乜肉既？

她們又在買襪！

又見到呢些車仔，好似係賣飲品的！

我就坐定定在等，唔想行咁多，就係咁樣浪費很多時間，搞到在女子大學影相既時間縮短了

雖然由街頭行到女子大學路程唔太長，但中間太多店舖吸引遊客

我們大概十點幾才到達。可能撞正返學時間，很多很多學生啊

校園設計得好靚，地方亦超大

雖然我唔係大學生，但感受下校園既氣氛都唔錯，這刻人都特別青春些架

這個藝術品係咪俾女學員睇架？小心小心

雖然去既時候，紅葉還未盛放，但都有些燦爛既銀杏樹影既

有咁靚既環境下，成績會否好過其他學校呢？

老婆話夠鐘上堂喎！

我就只好在等待她放學

人潮過後，學生都特別少

雖然十年前我只能在大學門口擦身而過，但十多年後終能入校園參觀，亦完了我個心願，因我好喜歡全知賢同車太鉉這兩位韓星，特別係我的野蠻女友個故事寫在太好，所以今次很開心，不過逗留既時間唔多，未能慢慢周圍遊覽，希望下一次再臨，唔需要再等多十年啦！

我們在大學門口見到一大班啊珠媽在抗議，不停同班學生唔知講乜？

然後我們就出發去食午餐，呢餐亦係我很期待的，因為終於可品嘗到正宗韓牛喇，站著吃牛小排地點非常容易搵，其實就在新村高爺酒店斜對面，亦係7號出門順著行落去，見到一條大馬路(有班馬線)然後過對面的斜路上就到，路程大概十分鐘

延南站著吃牛小排在新村係很有名氣的，因平宜的價錢就能品嘗貴格的韓牛，我們大概中午十二點到達，好彩不用排隊嘻嘻

店裡面客人唔算太多，這樣反而更好，唔會太多油煙

例牌都有些電視台訪問既宣傳照，但應該係好多年前的

因一分錢一分貨，想降低成本而又能給客人食得滿足，所以要用煤炭屎

呢個係我們用既油筒，同老婆合照留念先，都未試過在咁既環境食飯

一人份量的價錢，萬四WON都幾平

店裡有啤酒及汽水賣，可自已隨便拿的

女職員很快地幫我們上菜

一條一人份量，相中就係三人份量的

我邊等邊流口水中，但又急唔黎喎！

咁我們咪只好影下相打發時間，睇下女職員幾好笑容

我們有九個人啊，但有些團在做錯手勢囉！

都係唔好打擾個職員喇，免得烤到D牛肉過曬火就慘喇

我見隔離有三個啊珠媽在烤肉中，但她們自已帶了些醃菜，我咪好奇過去望望，雖然大家言語不通，但還可用簡單的手語同眼神溝通

然後啊珠媽好熱情地請我們食醃菜，先唔講好味與否，但心裡就很感動，不過都被我們食光了

不經不覺牛肉都熟了，期待已久的第一口，牛肉肉質很嫩很嫩，牛味濃度適中，非常好味

這塊係帶筋部份，同樣好腍

青辣椒烤過後，咬落甜甜地，一點都唔辣的，但團友話食到有一條係辣口

其實店裡都有不少韓國人同日本人，唔見有台灣人，香港人得我們

這兩個人日本女子都很熱情的，不時有韓國人同她們聊天及合照，她們後面既戰利品都唔少

我見大家這刻都放下成見不分國界，每人臉上都係帶著笑容，我亦過去同她們打個招呼，然後合照留念，這就是旅行中的樂趣，能遇到價廉物美的食店、帶著笑容的食客、不分年齡的界限、這刻我們有的只是友誼萬歲！

這餐埋單十三萬WON，係咪好平呢？

你們實會話，每人食一條牛肋骨點會飽架？所以我們繼續去食烤肉

今次要去品嘗八種唔同味道的烤豬肉店，地址就在新村ISAAC對面，如果識行的話，可在延南站著吃烤牛肉店行過去的

這店就在KIA車行隔離，入口唔算好大

很快地就感受到這店的人氣，滿牆都合滿明星照

小長今大家實識啦

不過中間呢位靚女就唔多認識喇！

很多蔬菜，真講究保持蔬菜既新鮮度

我知這店係食豬肉喇

蔬菜任食的

店裡面既環境，都幾寬敞

價目表

職員要我們三個人點一個餐，其實我覺得點兩個已足夠，可惜他們規定的，所以只能聽職員既意見，埋單$9萬WON，都好平

海鮮鍋:每套餐都有的，裡面材料都幾豐富及新鮮，特別個湯頭真係好鮮甜的，但會越飲越辣架！

蔬菜:除了菇類，其它都可任食的

呢些泡菜豆芽主要唔係用來食的，其實係把熟透的豬肉放在面上，等肉類不用繼續烤而變老

呢份就係八色豬肉，見到都有點飽啊，突然覺得份量很多添！哈哈哈

人參味:都幾有參味

紅酒味:酒味很淡的

松葉味:味道幾清新

大蒜味:味道較普通

花草味:我喜歡這味道，食落無咁肥膩

咖哩味:一般般

大醬味:唔記得味道

辣椒醬味:味道甜甜地，不會很辣的

職員會先由淡味開始燒起

肉質都幾新鮮

這個就係一個餐，個海鮮鍋滾起後都幾紅，同之前的顏色係兩回事，但越飲越想飲的

豬肉咬落很有彈性，值得一試，但要食得快，免得烤過火，除非一塊至兩塊咁燒就唔同

呢個蘿蔔棒到底有乜用呢？原來係用來擦走黏在鐵板上的食物殘渣

但我就見識少，一早就把它放落海鮮鍋裡面滾，好甜啊

我們早已食飽了，留下師兄一個獨力作戰！

作者: xpaxxpax 時間: 2012-11-15 12:14 AM

提示: 作者被禁止或刪除內容自動屏蔽

作者: dusty01 時間: 2012-11-16 04:20 PM

xpaxxpax 發表於 2012-11-15 12:14 AM
哇哇....看到都想去

謝謝你觀看啊

作者: dusty01 時間: 2012-12-1 09:34 PM 標題: 2012韓國5日4夜賞紅葉、嚐海鮮、歎美食之旅更新day3(PART2超多相)

食完午餐我們就出發去弘大，我們首站係3D館

2號線239站弘益大學站9號出口，行過去大概十分鐘

沿路見到附近很多小商店，很多衫賣架

見到前面玻璃建築物就差唔多到，因3D館就在隔離

3D館對面的店舖

這個就係3D館入口

我們先買票進埸先，因為有COUPON，所以只需$1萬WON一位

大家唔好學呢個團友喇！

我都係學隔離兩位咋

呢個館特別多錢執架，除處都有

又係派錢黨

還要提防小偷

兒童不宜

似釣到鯛魚餅多些

老婆幾時識得拔罐架？

老婆你唔好咁衰啦，嚇死它喇！

夢羅麗莎都被老婆谷到肥

芭蕾舞我都識d架

玩魔術？

過下明星癮先

小天使

大天使

老婆快些過黎幫手開錢庫！

錢庫已開，呢些只是散紙咋！哈哈哈

Call了車黎裝錢，發達喇

老婆即刻去試下粒寶石先

當然唔少得瘋狂購物啦！

作者: dusty01 時間: 2012-12-1 09:39 PM 標題: 2012韓國5日4夜賞紅葉、嚐海鮮、歎美食之旅更新day3(PART2超多相)

老婆變了小矮人

老婆爬竹樹都有一手

以上行為大家別學啊，純粹搞下笑

呢個視覺效果最好玩

呢度有很多玻璃組合，小心撞到頭啊，人多很好玩

嚇死人咩！

玩完3D館後，就在隔離行下同購物

行到咁上下，我們就出發去首爾站樂天超市

呢些係戰利品，即場有個檯台可做退稅手續，另外亦有免費紙箱及膠紙提供

掃完貨後，先回酒店放低戰利品先，然後再出發去陳玉華雞鍋店食晚餐

1號線129站鍾路5街站5號出口

其實地點話難唔難，不過行了入市場入面，有些失去方向既感覺

終於都到達了，其實都搵了一些時間，不過全店爆滿，現等一陣才有位

我們點了兩個鍋有四隻雞、飲品，埋單$8萬2千WON

職員會幫客人把雞剪件，韓國食店就係有咁好既服待，我們等滾起就食得，好肚餓啊

年糕

泡菜:這泡菜我不停咁食，可能太餓啦，所以得得特別美味，大家亦可加入雞鍋裡面煮的

蒜蓉

年糕:咬落很軟綿綿，好正

雞件:唔怪得這店咁好生意啦，雞肉真的幾滑既，個湯亦很好飲架，好味道

我們大戰過後

之後夜遊清溪川到地鐵站回酒店休息

作者: zacs 時間: 2012-12-1 11:03 PM

提示: 作者被禁止或刪除內容自動屏蔽

作者: dusty01 時間: 2012-12-5 01:14 PM 標題: 2012韓國5日4夜歎美食之旅day4(PART1)

今天我們很早就起床集合，因為要搭七點幾班火車到內藏山

我們在新村站搭去市廳站，然後轉車到首爾站，再由首爾站轉一號線到龍山站，不過講樣野俾大家知，好多時大家搭地鐵可能會出入錯閘口，這個時候大家不用怕，就在出入閘口附近有個特別閘口的，不用車票通過，只要按個紅色鈕就會發出音樂，一陣間就有職員或會自動開閘俾你通過的，所以大家不用害怕入錯閘！嘻嘻

團友們果然做足準備

這個景象熟悉嗎？

這些位置大家唔好亂坐啊，隨時俾韓國人鬧架，因為係俾有需要人士坐的

首先去這裡拿車票，因之前在網上訂好曬

我們坐特快的，所以兩個小時多些就到

火車站環境

電子顯示屏提示大家搭的班次閘口

終於等到入站喇，不過呢日天氣都幾凍

慢慢開始見到越來越多人在月台

我們唔係搭呢種車

一夠時間

架車就入站，真準時啊

車廂環境，都幾舒適

還提供免費WiFi，不過之後很多地方都收唔到！

戶外環境都係農田多

我們在便利店買的壽司卷，味道很唔錯啊

郊區都有高樓大廈，少見

兩個多小時不知不覺間就到達井邑站

當然要影張相留念啦

一出大門就直行過對面，大概200米就到171巴士站

好彩趕得到這班車，心情很期待啊

景色不段地在改變，開始見到秋天的形狀

雖然沒有觀眾，但這個男人依然交足戲地在唱歌，是否歡迎著我們進山的每一個人呢？

作者: dusty01 時間: 2012-12-5 01:28 PM 標題: 2012韓國5日4夜歎美食之旅day4(PART1)

大概三十分鐘的車程就到達內藏山，一落車就見到傳統烤豬，但見到都唔想食啦，咁多塵同肥膏！

我們跟著人潮去售票處

路上有很多美食吸引大家，但我只想盡快入山，因為遊客真的勁多

但亦要影些靚景既heehee

大家過唔過橋都得，但過橋就有更多食店同有洗手間

四圍都見到很多柿，價錢還很平，可惜太重喇！

炸人參咁特別，一枝才一千won，當然試下啦，粉漿都幾脆，參味夠濃，唔錯

這條路非常熱鬧，團友們都被吸引著

幾經辛苦才走出這條路，都浪費了唔少時間

沿途風景越來越靚

到達售票處，買票入山喇

作者: dusty01 時間: 2012-12-5 01:29 PM 標題: 2012韓國5日4夜歎美食之旅day4(PART1)

我們由售票處一路影到去纜車站之間，花了很多時間，因為路上風景實在太靚，所以最後決定放棄內藏寺，因怕時間唔夠，還要回程搭車等因素！

點知搭纜車上去係無野睇的，d樹全部都光禿禿又大風，唔知係咪早幾日大雨做成的！失望

行了一陣就開始回程，不過山下的紅葉還好靚

反正預早了回程，團友們都餓了，所以現在可以慢慢品嘗當地特色小食

必買魚干:很好味道架，一萬won有一大袋，抵

栗子:都幾粉，不過好大粒架

煎年糕:外面煎得脆脆，中間係有餡料的

我們見乜就試乜

呢個紅棗又大粒又靚，即場試還很甜，我們買了最大那盒份量

呢個餅好似沒什麼特別，但紅色的醬很美味的

紅豆餅

呢條路好多值得買、值得試、值得睇既野，很多免費表演都吸引人群，可惜我們夠鐘要走喇！

作者: caryvm6 時間: 2012-12-7 11:24 AM

明年也來計劃去韓國玩~~~~~~~~~~~~~~~~~~謝謝提供資訊喔!~~~~~~~

作者: dusty01 時間: 2012-12-7 01:08 PM 標題: RE: 2012韓國5日4夜賞紅葉、嚐海鮮、歎美食之旅更新day4(PART2超多相)

本帖最後由 dusty01 於 2012-12-7 04:58 PM 編輯

我們在內藏山搭171巴士回井邑總站，就在車站對面有間韓式食店，因我們還未食午餐架！

餐牌:我就唔識睇喇！但好彩老闆娘都識講些少國語，不過主要得豬同牛湯飯，總共點了9人餐，埋單$5萬9千WON.

係

以上係餐前小食

唔記得！

黑豆:無興趣

醃蘿蔔:呢個我最喜歡食，雖然都幾辣，但口感很好，特別係蘿蔔很甜

炸米粉:初時都唔知係咩？咬落又好彈性喎，撈了些沙律醬，都幾好味

泡菜:都係偏辣的，但我喜歡唔太酸的

豬骨湯:豬骨燉得好腍啊，個湯亦很濃，飲個熱湯成個人都舒服曬

牛肉湯:可能牛肉較貴關系，牛肉切到好幼，湯底似一般公仔麵的味道！

飯:韓國飯係很軟熟的，好味道

食飽後就在車站附近行下，因都就可以入站

我們回程係搭16:42班火車，不過今程搭慢車，因快車既票一早已賣曬......

慢車就係咁既款

車廂環境

之後就係慢長既車程，真係好長好長、好慢好慢，如果再有機會搭火車，一定要搭快車，三個幾鐘都幾難捱！

幾經辛苦才到龍山站，我們就搭地鐵到乙之路3街站

我們在12出口一直行落去，直到見到一條大十字馬路，然後轉左就到景福宮烤肉店

景福宮烤肉店原來晚上十點鐘就關門，所以職員問我們只能食一小時可以嗎？我們一心想來試，所以就話ok

正宗韓牛牛

店內環境很古代的佈置，我們點了兩客牛肉拼盤，因為網上下載了優惠卷有9折，埋單$17萬1千WON

職員很快地開火，但乜都未有得食住

以上係醬料

蔬菜

以下係餐前小食

蒸蛋:其實唔係很特別，不過不失

大醬湯:這湯就好飲得多，湯頭亦很甜

以上係餐前小食

牛肉拼盤:牛肋骨、霜降牛扒、醃漬牛胃、醃漬牛肉、牛胸肉

肋骨肥肉:這肉係我指定要食的，因為油份較重代表牛味亦較濃，但你食完又唔覺油膩，最重要係這部位的口感係一流的，非常之QQ，點鹽巴係最好味的

店裡會有職員幫你主理食物，我們唔止只是食，還要聽職員講解怎樣加上配料和蔬菜食用，非常細心

這蔬菜真係靚，唔拾得食落肚啊hahahahaa

牛肋骨:肉質非常腍，肉味亦較濃，有心花怒放既感覺

醃漬牛胃:咬落有小許韌，但都ok

霜降牛扒:可能剪得太細塊，無乜感覺！

醃漬牛肉:一般般

食飽後我們向明洞方向行去

雖然係晚上十點幾，但街上還有很多人，但商店都開始關門，不過明洞賣既野係明牌多，就算街邊小檔賣的價錢都貴一點的

這煎餅老店原本行程中有安排黎的，但因各原因而無緣品嘗，只好留待下次啦

在明洞行了大概一小時，我們就去搭地鐵回新村，不過晚上一到時間，就會有些露宿者在地鐵站裡面過夜的

我們一回到新村，第一時間又要食食食，頭先果餐太趕了

我們要試韓式魚旦，其實都係魚片，味道ok啦

之後再去車帳食宵夜

這烏冬實在太好味，明天就要回港，所以一定要再食多次heehee

蛋角:我見啊珠媽最少用了六隻蛋，然後一層層咁煎，還加入紅蘿蔔碎，蛋煎得幾軟熟，蛋味亦濃，不過份量很多啊！

作者: dusty01 時間: 2012-12-7 01:09 PM

caryvm6 發表於 2012-12-7 11:24 AM
明年也來計劃去韓國玩~~~~~~~~~~~~~~~~~~謝謝提供資訊喔!~~~~~~~

不用客氣啊

作者: dusty01 時間: 2012-12-9 05:25 PM 標題: 2012韓國5日4夜賞紅葉、嚐海鮮、歎美食之旅更新day5

本帖最後由 dusty01 於 2012-12-10 12:22 PM 編輯

開心時間真係過得好快，今晚就要回港喇，所以一早就出發去南大門食早餐同買手信

我們搭地鐵到會賢站(425)，在5號出口就係南大門

雖然還很早，但很多舖頭都開了

這間就係我們食早餐的店，在大街上很容易找到

這店既麵係全人工手打的，很期待呢

廚房係開放式，不過前面放了一大堆碗！

價錢表，例牌都係唔識睇

不過我們兩人點一份，一份係有手打麵同冷麵，埋單$22500WON

檯面好大盅泡菜啊，當然係免費任食的，味道都唔錯

話咁快就有麵到，好肚餓喇

冷麵:其實凍既麵我無興趣的，所以無試

手打麵:我試了一口後，就覺得這麵比我想象中有出入，麵條煮得唔夠耐，所以還有點生，一點都唔Q囉！今次中了伏添，真對班團友唔住啊......

食完一餐唔太滿意早餐後，就繼續在南大門買手信，這間天國店係賣紫菜的，我們有上網下載優惠卷，老板闆亦很好人，鹽味紫菜我很喜歡

這店超多特價面膜，但無入手

下面還有個地下街市？不過無乜特別

本來係想試這間賣包店的，但因太多人排隊，所以放棄了！

這個啊珠媽係咪送外賣既呢？

行了一陣，我們就搭地鐵到鐘路5街去廣藏市場，在7或8號出口就到

來之前我們已計劃好有什麼店要去，所以一到市場裡面，就先去順熙家綠豆煎餅

聽講順熙家綠豆煎餅人氣係好高企的，到底綠豆煎餅有乜好味啊？

店裡面既牆身係可以俾客人塗鴉，所以我們貪得意都留下筆跡

等我試試塊綠豆餅有咩咁吸引先，一口咬落去就感覺到面層好脆，而裡面又很鬆軟，但又無綠豆既味道喎，埋單大概$6千WON，我俾一萬WON廣藏市場COUPON，然後職員找回4千WON真實貨幣，所以呢日在廣藏市場係一分錢都無出過的

第二間就係血腸，我們去了面前這檔

都有幾多食物選擇，我們點了血腸及豬腳

呢些就係血腸，血腸包住的係米粉，咬落有好濃的內臟味道，不過我就好鐘意，就好似以前街邊檔的韭菜豬腸味道，肝係送的

泡菜:醃得好入味好正

豬腳:一般，鹵得唔太入味

湯:這湯係送的，不過不失

能感受下當地氣氛，其實很寫意的

豬鼻點放入口食啊！

第三間係麻藥紫菜包飯，聽講食完的人會上癮的，有冇咁誇張呢？

價錢就唔係貴，但我試完覺得係個醬作怪，紫菜飯就無乜特別，但個醬就好香

市場裡面還有很多餅檔，有些客人還會只買個粉漿，然後回家自已煎

市場裡面就像街市咁，咩都有得賣，估唔到還有毛蟹

我們在這檔買人參，1萬WON有成20支的，當然係細條果種啦，而且係用廣藏市場COUPON俾錢的，超正

還有大量醃菜

午餐時間，這店人山人海，食既就係魚鍋

很多魚既精子啊，日本人超愛食的

到底係鱈魚定鱸魚呢？有機會一定要試

終於到最後一站，就係肉膾姊妹家(生牛肉)

看落很新鮮，但到底好唔好食呢？

還有豬肝、牛百葉，我見有一個男人在大大啖食碟生豬肝，份量還唔少的，我就唔敢試喇

啊珠豬在切緊d牛肉

先上些湯暖暖身，都幾好飲喎

跟住就到生牛肉，其中有個女團友係好抗拒的，但被我游說完，就試了一啖，其實生牛肉無咩味道的，口感就像一般牛肉咁，你話好好食咩？我又唔覺得有咩特別，唔試唔會係損失

食飽後就出發去首爾塔

我們向住首爾塔一直行

背面既環境，景福宮烤肉店就在前面路口轉右

我們要搭個小型纜車上去

然後就去買纜車票上首爾塔

山中既風景都唔錯

還有班學生黎旅遊，好彩他們已玩完

看看個地圖先

大家亦可選擇步行上落的

d水噴得咁散既！

中央還有武術表演，不過未夠鐘

首爾塔其中見得最多的就係呢些鎖

其中有團友上了塔頂，我就無咩興趣

所以同師兄去了飲咖啡

價錢表

其實呢度望出去的景觀都唔差架

去完洗手間，順便影一張個人照先

遊覽完首爾塔後，我們就趕回新村酒店

然後就搭地鐵去機場

在嘻嘻哈哈笑聲中，好快就到達機場

有自動Check In機，不過我們無用到

我們今次分頭行事，有些人在檯台辦理Check In手續，但記得要同職員講搞退稅，通常把一個行李放曬所有退稅物品在裡面，到時搞好手續就要自已推個行李到J位置

而我就行去J位置隔離有個搞退稅的檯台，不過現在就乜人，我在這排定位，職員唔一定會檢查物品，但要睇他心情，如果在這搞好手續，職員就會幫你件行李寄倉的，但退稅手續還未搞完

之後就去搞出境手續

大家見到以上那兩張相，其實辦理最後退稅手續就在兩店的中間

就係這條小通道

大家可能分別排兩條隊，當然要睇你退藍色還是橙色的檯台，兩者有分別的，唔好排錯啊，因為人籠會很長，所以要搞清楚，我們拿回錢後就去登機處喇

今次回程架機就細很多

我們夾的啊公還有錢剩，所以韓國真抵玩抵食

機倉環境

飛機餐都ok既，今次既旅程又完滿結束

作者: a192168626 時間: 2012-12-9 10:43 PM

提示: 作者被禁止或刪除內容自動屏蔽

作者: dusty01 時間: 2012-12-10 12:23 PM

a192168626 發表於 2012-12-9 10:43 PM
照片好多好豐富唷~看完都想要馬上go了！

謝謝你觀看啊

作者: dusty01 時間: 2012-12-10 06:45 PM 標題: 2012韓國5日4夜賞紅葉、嚐海鮮、歎美食之旅-酒店及手信

今次我們入住新村高爺酒店，其實新村係靜中帶旺，飲野及買野都方便，最緊要係近地鐵7號出口

酒店Check In在15樓的

有兩檯公用電腦

還有蒸餾水提供，其實每層都有的

我們入住1116房

房間有夾萬提供

房既空間都幾唔錯，起碼能放到大型行李

電視就較舊款及細

大床

窗外景觀

開放式廚房

簡單廚具

簡單食具

房內提供免費有線上網的

洗手間係今次唯一較不滿的，不過之前已知道

洗澡地方真係好細，容納一個人都覺窄，還會彈到水出外！

呢邊就正常些

以下係今次的戰利品

作者: dusty01 時間: 2012-12-10 06:46 PM 標題: 2012韓國5日4夜賞紅葉、嚐海鮮、歎美食之旅-簡單辦理機場及商場退稅

嗚謝台灣網友提供

首先，你要確定你買的東西是否可退稅，在韓國大部分大型的商場都可以退稅，例如我去逛的LOTTE樂天超市，還有東大門DOOTA，這兩個點就有，有些店家若有退稅的話，他會在收銀台附近貼一張「TAX FREE」的標籤，說duty free也行得通。只要有這個標誌的店家，買完東西的金額都有退稅！

1.樂天的退稅，就在大門口一進去的右手邊，有一大排手推車的正前方（置物箱的旁的那一區），走進去到底再往左手看，有一個很小的櫃臺寫「TAX FREE」，只要把當天一次購滿三萬的發票給他（包含裡面的美妝），他就會拿一張單子給你簽， 簽單上要寫護照號碼，所以要記得喔！

目前Doota不論是付現還是刷卡都是退現金~都是到仁川機場海關蓋完章再去GATE28領現金 !!

這是樂天的退稅單，藍色那一張就是在樂天的退稅櫃臺寫的，發票會釘在上面。其實我是懶鬼，我不管他要給我啥東西，只要是可以退錢就好，所以大家寫的長篇大論，其實重點就是拿到這藍色的單子而已啦！

2. 先把要退稅的貨品同單據抽起，然後在機場辦理登機手續，之後去退稅檢查的海關櫃臺其實不難找，在大型行李處的旁邊(J位置)，把你的東西給他看，把你的退稅單給他蓋章，把東西（行李）就在這裡寄送海關！

之後就是進海關啦，會經過警察檢查，然後經過包包檢查，檢查完之後就可以一個登機等候購物區，但千萬不要急著買，先去辦理退稅！（而且免稅區不只這裡有，韓國的機場很大，要登機時還要搭一小段的地鐵，約五分鐘，之後就會到登機處，就是所謂的gate閘門，那個地方還有免稅店！）

找到REFUND(gate28附近)，就是退現金給你的地方啦！只要把剛剛蓋過張的單子（樂天是藍色的那張，DOOTA的已經丟進信箱桶了），交給櫃臺服務人員，他就會退「韓元」給你，換美金也行，但匯率很差，不建議。

到這裡就完成退稅手續啦！

商場退稅
首先，你要確定你買的東西是否可退稅，在韓國大部分大型的商場都可以退稅，例如去逛的LOTTE樂天超市，還有東大門DOOTA，這兩個點就有，有些店家若有退稅的話，他會在收銀台附近貼一張「TAX FREE」的標籤，說duty free也行得通。只要有這個標誌的店家，買完東西的金額都有退稅！

作者: BeeCasual 時間: 2012-12-11 12:27 PM

非常詳盡的旅程表，計畫周詳，很佩服大哥的用心。我剛從首爾五日遊回來。看了大哥的行程，好想立刻起程再去一次。

作者: dusty01 時間: 2012-12-12 12:27 AM

BeeCasual 發表於 2012-12-11 12:27 PM
非常詳盡的旅程表，計畫周詳，很佩服大哥的用心。我剛從首爾五日遊回來。看了大哥的行程，好想立刻起程再 ...

幫到大家就好了，別客氣啊

作者: teddyblue 時間: 2013-1-6 12:53 AM

提示: 作者被禁止或刪除內容自動屏蔽

作者: tina00122 時間: 2013-1-7 01:15 PM

dusty01 發表於 2012-11-4 12:14 AM
http://big5chinese.visitkorea.or.kr/cht/index.kto

哇!!!!!好詳細的資料歐

)))這寒假要去韓國~~~

作者: dusty01 時間: 2013-1-11 03:17 AM

謝謝你們觀看啊

作者: xpaxxpax 時間: 2013-1-12 08:46 AM

提示: 作者被禁止或刪除內容自動屏蔽

作者: koyuki819 時間: 2013-1-12 05:47 PM

提示: 作者被禁止或刪除內容自動屏蔽

作者: mfmfmf0722 時間: 2013-1-12 11:22 PM

提示: 作者被禁止或刪除內容自動屏蔽

作者: dusty01 時間: 2013-1-15 03:30 AM

koyuki819 發表於 2013-1-12 05:47 PM
謝謝樓主的詳細分享~
相信好多人去韓國都會大入貨~
我自己每次去韓國都會失心瘋...

我都可能計劃五月再去多次

作者: dusty01 時間: 2013-1-15 03:31 AM

mfmfmf0722 發表於 2013-1-12 11:22 PM
到韓國大約要多少錢阿,也好想韓國喔

唔計自已買野，大約用了五千幾一個人

作者: chubb05 時間: 2013-2-12 01:11 PM

IT IS REALLY USEFUL INFORMATION , THANKS FOR YOUR SHAREE.

作者: jeffgk2010 時間: 2013-2-13 06:14 PM

提示: 作者被禁止或刪除內容自動屏蔽

作者: dusty01 時間: 2013-2-16 01:47 PM

jeffgk2010 發表於 2013-2-13 06:14 PM
可惜台灣用不上感謝整理

什麼台灣用不上？優惠卷可下載用的。

作者: dusty01 時間: 2013-2-16 01:48 PM

chubb05 發表於 2013-2-12 01:11 PM
IT IS REALLY USEFUL INFORMATION , THANKS FOR YOUR SHAREE.

謝謝你觀看啊

作者: carrot2002 時間: 2013-2-16 04:36 PM

寫的不錯欸，滿值得拿來參考看看的

作者: Queenie0112 時間: 2013-2-16 05:11 PM

提示: 作者被禁止或刪除內容自動屏蔽

作者: 吹雪田 時間: 2013-2-17 02:58 AM

看后感悟了點，收下了

修真老師生活錄
神醫聖手

作者: dusty01 時間: 2013-2-18 01:08 AM

carrot2002 發表於 2013-2-16 04:36 PM
寫的不錯欸，滿值得拿來參考看看的

你看得明就好了

作者: dusty01 時間: 2013-2-18 01:08 AM

carrot2002 發表於 2013-2-16 04:36 PM
寫的不錯欸，滿值得拿來參考看看的

你看得明就好了

作者: dusty01 時間: 2013-2-18 01:09 AM

Queenie0112 發表於 2013-2-16 05:11 PM
看了好想去哦...下次出國就來安排吧

我覺得冬天去較好，長腳蟹亦較平的。

作者: dusty01 時間: 2013-2-18 01:10 AM

吹雪田發表於 2013-2-17 02:58 AM
看后感悟了點，收下了

謝謝你的觀看啊

作者: Queenie0112 時間: 2013-2-18 02:22 PM

提示: 作者被禁止或刪除內容自動屏蔽

作者: dusty01 時間: 2013-2-19 01:17 AM

Queenie0112 發表於 2013-2-18 02:22 PM
可是冬天不是超級冷嗎??

我應該說秋天去才對，那時候的蟹最多最平最肥美的，冬天也貴的。

作者: Queenie0112 時間: 2013-2-19 09:42 AM

提示: 作者被禁止或刪除內容自動屏蔽

作者: dusty01 時間: 2013-2-20 01:11 AM

Queenie0112 發表於 2013-2-19 09:42 AM
請問應該幾月份去呢??超想去韓國買東西及吃東西的..

我覺得三月尾去就看櫻花，十月尾去就看紅葉和海鮮，所以看你個人選擇，我覺得自已去的月份非常好。

作者: Queenie0112 時間: 2013-2-20 11:10 AM

提示: 作者被禁止或刪除內容自動屏蔽

作者: dusty01 時間: 2013-2-21 02:38 AM

本帖最後由 dusty01 於 2013-2-21 02:40 AM 編輯

Queenie0112 發表於 2013-2-20 11:10 AM
請問十月去會不會很冷呢??有一年2月份在韓國轉機住了一天,真的超級冷,風吹在臉上是會刺痛的那種冷..整個 ...

十月去不會很冷的，還算舒服的，2月份的韓國一定冷啦，有一年我新年去的，真的凍死喇！

，十月我沒有見到有士多啤梨賣啊。

作者: h94sul3k 時間: 2013-2-21 07:09 PM

提示: 作者被禁止或刪除內容自動屏蔽

作者: dusty01 時間: 2013-2-22 12:49 AM

h94sul3k 發表於 2013-2-21 07:09 PM
陳玉華奶奶一隻雞很好吃耶!!!!
好想吃喔!!

這雞真的不錯，雖然用料簡單，但就是回味

作者: revy0227 時間: 2013-2-22 11:23 AM

要自已帶ice cream，飛機餐沒包括?

作者: dusty01 時間: 2013-2-22 12:56 PM

revy0227 發表於 2013-2-22 11:23 AM
要自已帶ice cream，飛機餐沒包括?

飛機餐當然有的，這些雪糕係朋友特別帶來送俾我們食的！

作者: cpscar 時間: 2015-5-24 07:31 PM

提示: 作者被禁止或刪除內容自動屏蔽

作者: marrk07 時間: 2015-8-22 06:01 PM

好多實用的資訊啊，好寶貴啊~

作者: fuckingeyn 時間: 2018-9-17 08:07 AM

韓國的秋天雖然稍有涼意但是遊玩起來很舒服夏天走路滿身是汗的天氣涼一點走整天也不會出太多汗

作者: ray1880 時間: 2019-1-21 08:41 AM

提示: 作者被禁止或刪除內容自動屏蔽

作者: jack6666 時間: 2019-1-22 11:10 AM

感謝分享，去了很多國家就是沒過韓國，感謝分享自助資訊^^

作者: rayrayer2012 時間: 2019-3-23 05:53 AM

提示: 作者被禁止或刪除內容自動屏蔽

作者: leewing2003 時間: 2019-3-23 12:20 PM

謝謝分享這麼多的韓國旅遊資訊!

作者: ming3485 時間: 2019-3-23 11:31 PM

整理的真的很好，
一定要來參考看看
下次去一定會用到，
謝謝分享

作者: andyshen 時間: 2019-4-3 08:10 PM

dusty01 發表於 2012-11-4 12:14 AM
http://big5chinese.visitkorea.or.kr/cht/index.kto

過2天，利用清明連假，要去韓國首爾賞櫻，首爾地圖很適用，只是不知是有更新過了。

作者: raytom123 時間: 2019-7-11 03:43 PM

提示: 作者被禁止或刪除內容自動屏蔽

作者: leewing2003 時間: 2019-7-12 05:29 PM

謝謝分享這麼多的韓國旅遊資訊!

作者: jimrs5320 時間: 2019-7-13 01:19 AM

版主很用心裡面也有詳細內容感謝

歡迎光臨伊莉討論區 (http://www19.eyny.com/)